તું મળજે.

સ્મરણોની કેડીએ તું મળજે.
અંતરની મેડી એ તું મળજે.
ખોવાઈ જાઉં જો ભીડ મહીં.
દિલ તણી દેરીએ તું મળજે.

આરતીની ઝાલર થઈશ હું.
સંધ્યાટાણે શેરીએ તું મળજે.
આંબલીપીપળી લઈ ગઈ તું,
 વડલા હેઠે લડીએ તું મળજે.

વેરાયેલી યાદો પડી છે ધૂળમાં,
વીણી ને ગૂંજે ભરીએ તું મળજે.
દિલ તારું સાચવ્યું શી કલાથી,
માંડીને વાત કરીએ તું મળજે.

ભલે રહે તું આંખોથી ઓઝલ,
અંતરે દૂર ના જરીએ તું મળજે.
હું ને મૂકીને હું આવીશ ઓલીકોર,
આપણે થઈને તરીએ તું મળજે.
 " दाजी "